ريفيو فرش زويفا ❤ ZOEVA BRUSHES REVIEW

FACE BRUSHS

124 GRAND STIPPLING

فرشاة الاستبلينق جميلة جداً إذا استخدمتها مع آي كريم آساس تسوي تغطية شفافة { يعني بشرتك تسير شفافة وحلوة } فهمتوا شرحي هههههه ؟ تسوي تغطية جميله خفيفة رقيقة لو استخدمتيها بطريقة المسح بس لو بطريقة الطبطبة بتعطيك مظهر جميل وآملس ومضبوط خصوصاً لآماكن الحفر بوجهك بتتعبّى مره كويس ، آحب استخدمها للتنتد موسترايزنق { مرطب الوجه الملون } ، ممكن تستخدموها للبي بي كريم آو السي سي كريم ، الفرشاة تحسي شعيراتها متماسكة جداً و ملمومه على بعضها بشكل دائري ماهي مفشوخه زي فرش الاستبلينق العادية ، مقاسها لارج وشكل سطح الشعيرات دائري ، شعرها صناعية وتعتبر مثالية للآشخاص النباتيين ، تستخدم للكريمات السائلة  وللباودر بس فعلياً ماقد جربتها للباودر .

122 PETIT STIPPLING

نفس الفرشاة اللي فوق بس ع حجم آصغر وماهي الملمومه لا المفشوخة { سوري ع الشرح والله ماعرف اش المرادف العام لكلمة مفشوخة ههههههه } المهم جميلة جداً وآحبها آكثر شيء بالحياة ليش ؟ لآني بالصيف كنت آستخدم بلاشرات كريمية طول الوقت ، فتدمج لي البلاشر ع المكان اللي آبغاه بالضبط بدون ماتتعبني وتحوس بآماكن ثانية ، روعة كمان للكونسيلر وللهايلايتر الكريمي جربتها للكونتور الكريمي وكانت جيدة ، مصنوعة من شعر صناعي مثالية للآشخاص النباتيين والآشخاص ذوي البشرة الحساسة .

126 LUXE CHEEK FINISH

هم قايلين إنها للفينيشينج تتش يعني اللمسة النهائية وكاتبين إنها ممتازة للبرونز والهايلايتر بما إن سطح شعيراتها مقصوص بشكل دائري ، بالنسبة لي وبالنسبة لوجهي بما إنه صغير دايماً حجم وشكل شعيرات الفرش تجي كبيرة ع وجهي وآجلس آبدل بالمقاسات وآغير يعني مثلاً حقت هايلايتر آسير آستخدمها للبلاشر زي كذا ، فقلت بآخلي ذي الفرشاة للباودر والبلاشرز حبيتها وماحبيتها بنفس الوقت ، شعيراتها مخلوطة صناعي وشعر طبيعي بس غالباً لمّا آوزع البلاشر ما آحسها تدمج كويس كآني آسوي بقعة بمكان وتلصق الطبعة فيه ، وإذا حاولت آدمج وآدمج وآدمج الصوت اللي تطلعه الفرشاة يحسسني كآني قاعدة آخمش بشرتي ومع ذلك الدمج مايعجبني آرجع استخدم فرشاة سيجما للوجه وتدمج لي بثواني ، ممكن ماكانت تدمج لي كويس لآنها شبه متماسكه ماتتفتح يظل اتجاه شعيراتها بمكان واحد ، اللي حبيته فيها شكل شعيراتها البيضاء والقصة حقتها، حجمه بالنسبة لحجم وجهي تحمست لما شفتها مره كثير بس للآسف ماعجبني دمجها باحاول آدبر لها صرفه وآستعملها غصب لآنها عاجبتني كشكل وحجم ومسكة يد .

114 LUXE FACE FOCUS

فرشاة كيوت جداً صغيرة وحلوة آستخدمها للهايتلايترز بكل آنحاء وجهي وآيضاً آكثر شيء لتحت عيني لما آثبت الباودر ، مصنوعة من شعيرات طبيعية وصناعية ، فلما آدمج فيها ماتطلع صوت تخميش زي اللي قبل فاحبيتها مره ، { ملاحظة صغنونة : مكتوب إنها مصنوعة من شعر سينثتيك هير يعني ايش سينتثك هير ؟ يعني شعر صناعي بس هذا الشعر ماحد يقدر يفرق إذا هو صناعي ولا طبيعي يعني شكله مقارب جداً للطبيعي فهم خالطين شعر طبيعي تماماً وشعر صناعي كآنه طبيعي } .

109 LUXE FACE PAINT

آحلى وحده بالمجموعة تجنن شعيراتها ناعمة مصنوعة من الشعر الطبيعي والصناعي ، آستخدمها للكونتور تسوي كونتور جميل بالنسبة لحجم وجهي يعني آحس لو وحده بتستخدمها ووجها حجمه كبير بتكون صغيرة عليها وبتسوي خط حاااد لو مادمجته مزبوط بفرشاة فلفي ، حبيتها وتعتبر المفضلة عندي منهم كلهم .

129 LUXE FAN

واو ذي الفرشاة اآسميها الفرشاة العسل ، آستخدمها للهايلايتر تسويه بشكل خرافة شعيراتها تجنن تسويه بالضبط المكان اللي تبغيه آيضاً لما يتناثر الشادو تحت عينك بإمكانك تنظفي المكان كويس بنفس الفرشاة .

EYE BRUSHS

232 LUXE CLASSIC SHADER

الفرشاة ذي صنعت للآشخاص آمثالي اللي دايماً يسوون لون واحد ع جفنهم ،  تجنن وممتازة لمد الظل وتشكيله على الجفن  ، حبيتها كثير وآستخدمها مره كثير تقريباً شبه يومي لآني آحب وغالباً رسمات عيني وظلالي هي لون واحد ع جفني ويكون مات { مطفي } حجمها ميديم ويختصر عليك وقت مد اللون الواحد يعني بدل ماستخدمي فرشاة صغيرة وتجلسي تمدي شوي شوي اللون هذه تمسك لك لون بسرعة تلمه بشعرها وتمدينه ع جفنك يمين ويسار وخلصتي :) ، ماجربتها لحد ذحين لغير الظلال المات .

234 LUXE SMOKY SHADER

فرشاة مخصصه للسموكي ، آشتريتها ع آساس باسوي سموكي دايماً بس آمزح مع نفسي ، ماسويته إلا كذا مره ، روعة دمجها حلو آستخدمها كمان لمد الظل بعض الآحيان ومرات آدمج فيها يعني مااستخدمتها بس كمسمى فرشاة مخصصة للسموكي ، لآن فعلياً ماسويت سموكي إلا مرتين ممكن .

317 WING LINER

الفرشاة ذي مدري كيف ؟ ولا آتذكر كيف ماركزت باسمها ونوع شعرها ؟ ع طول حطيتها بالسله وقتها وحكمت إنها للحواجب ، الفرشاة شعيراتها مشطوفة مصنوعه من الشعر الصناعي النايلون يعني ؟ ماتلم بودرة كويسة :( يعني مخصصة فقط للآشياء الكريمية والجل وحوله ، بعد ماوصلتني قرآت الطبعة اللي عليها وكان مكتوب عليها وينق لاينر قلت آنا اش وينق لاينر هي للحواجب مو للآي لاينر وآفتح الموقع واكتشف إنها للآشياء الكريمية والجل يعني للآي لاينر ، تحسبون خلاص زعلت ! لا جالسه استخدمها غصب للحواجب آيوا تتعب شوي ماتاخذ باودر بس إن شاء الله قريب اشتري الفرشاة اللي مخصصه للباودر وشعيراتها تكون طبيعية آو مكس بس تلم وتشيل باودر لآن برضو ذي تنفع لرسم الحاجب بس للآشياء الكريمية بتكون كويسة وآنا حالياً ماستخدم آي شيء كريمي لحواجبي راح آذكر لكم السبب قريب إن شاء الله .

312 DETAIL LINER

فرشاة آي لاينر كاتبين إنها تصنع الآيلاينر الكلاسيكي الفينتج مثل آفلام هوليود قديماً ، آستخدمها كثير للجل آي لاينر حلوه جداً وترسم مضبوط وبالزبط قصة فرشتها وشعرها مميز وممكن بمهارة تسوي آيلاينر حلو ومميز ، شعرها صناعي نايلون .

غسل الفرش :

ماطاح ولا شعره منهم لما غسلتها ، جداً سريعه بالغسل وإزالة اللون خصوصاً إني مختاره شعيرات اللون الآبيض الخرافة ، بس فرشاة الكونتور والبلاشرز نظفتها مرتين ومع ذلك اللون ماسك شوي مدري ليش بس الباقين اللون اتنزع بسهولة ٫ فرشاة الآي لاينر اللون لونها فاتح كذا شعر آصفر ومسك شوي اللون الآسود فيها بس آتوقع لآني جلست فترة طويلة تركت الآي لاينر ناشف فيها ومانظفتها ، فلما جيت آنظفها آخذت مني وقت طويل ع بال يتزال اللون .

آسعارها :

 حلوة وما آشوف إنها رخيصة ونقول تنفع بس للمبتدئات لا بالعكس تناسب الجميع
بس ع حسب اختيارك واحتياجك يعني لازم تنتبهين ع سالفة شكل الشعيرات وحجمها وآيضاً نوع الشعيرات

آتوقع كلفتني كلها اللي فوق مع الشحن المباشر للسعودية حوالي ٧٠٠ ريال

وصلتني تقريباً في ١٤ يوم ، كل فرشاة كانت مغلفة بمقلمية بلاستيكية شفافة شيء مره دلع .

 صناعتها :

آلمانية وذحين صار لها سمعة وشهرة كبيرة .

هل تستحق الشراء :

نعم تستحق الشراء بس آفضل سيجما عليها بقووووة ولو إن هذه حجمها ومسكت يدها خرافية بمعنى الكلمة على وجهي ، بس عارفين إيش ؟ مافي شيء كامل شكلي بآدمج كوليكشن خاص فيني بين فرش سيجما وزويفا يعني في فرش بزويفا تجنن وآحلى من سيجما وآيضاً من سيجما في آحلى من زويفا ، يعني آمنيتي بآن يكون عندي خط فرش واحد استخدمه ماراح يكون إلا بالآحلام .
ودايماً يابنات حطوا في بالكم مشوار المكياج الصح بوجهك يبدآ بفرش كويسه وحلوة سالفة إن في فرش مخصصه للمبتدئين لئه آنا ضدها ع آساس دايماً المبتدئين يبدآو بفرش آي كلام كتدريب ! هذا الشيء غلط برآئيي إبدآئي بفرش كويسه تناسب ميزانيتك وإبدآي بآن يكون عندك الفرش الآساسيه المهمة لو خمس حبات آفضل من كوليكشن كامل ماله آول ولا آخر وغالي ولا تستفيدي منه غير بفرشتين تستخدميها بس لكل تفاصيل وجهك !
هنا فيديو سويته قبل سنتين تقريباً تكلمت عن ذي النقاط وكيف تمتلكين فرش مكياج كويسه حسب ميزانيتك .
- هنا -

موقع الشراء - هنا -

ع فكرة آنا اخترت الفرش تكون مو مصبوغة بالآسود لآن آعشق منظر الفرش اللي شعرها آبيض شكلها يجذبني مره .

مين جربها وإيش جربتم وآحلى فرشاة بالنسبة لكم ؟

 ❤