إلبسي نظارة الجمال .. وأنطقي الكلام العسل ♥

 

في مواقع التواصل الإجتماعي على الإنترنت :

إيش هذه الصورة معفنة  !

إنتي وحدة تهايطين كثير ! ( كلمة تهايطين عرفت معناها قبل سنتين حسبتها كلمة وسخة )

من زينك ياشيخة !

من زين وجهك - جسمك - اسمك !

وي عانس !

لحجيه وبدوية !

خشمك كبير !

سوداء !

عمود لمبة !

سطل برميل !

عود أسنان !

أنا جنسيتي وإنت جنسيتك كذا !

فاشلة !

مسوية تعرف تصور - تتكلم انجليزي - تلبس - ترسم !

مملة !

كافرة مصيرك النار !

إتقي الله يا....! 

في الحياة الواقعية :

أخوي لازم تطلق زوجتك !

إنتي متزوجة أخوي يعني لنا أوامر عليك !

خالي - عمي طلق زوجتك !

زوجي حبيبي لازم تترك أهلك !

أهلك طلباتهم كثيرة !

يالله يابنت لسه ماحملتي !

واه لسه ماتزوجتي !

مين المسكين اللي بيتزوجك !

مين تزوجتي يع !

أبوك فلاح !

أنتم من طبقة كذا وإحنا من طبقة كذا !

أنتم من المنطقة الفلانية وإحنا أصل الفلنـنـه

غريبة عليكم تسوون كذا مايليق *ابتسامة سخرية *

 جسمك مقربع !

مانتي حلوة !

وي مرة دبه !

وي مرة نحيفة !

خشمك أفطس !

لونك أسود !

آآع تعبت قلبي عورني وأنا أكتب الكلام المقرف هذا ! يعني بالله يابنات خلونا كذا نجلس مع بعض ونتكلم بقلب مفتوح ، أنا وإنتي وهي وهذيك كل العالم ! عندنا إيش ؟ عندنا مــشاعـــر ♥ مشاعر وأحاسيس كلنا نحس كلنا أوآدم مابتجي وحدة تقول أنا ما أحس وتكابر !!

مشاعر الله خلقها لنا بداخل كل إنسان ، مشاعر سيئة ومشاعر حلوة ، ياجمال المشاعر الحلوة ♥ ،  يعني بالله يابنات يعني شوفوا راح يخوني التعبير لأني راح أكتب لكم من قلبي ، بجد أتمنى من كل قلبي من خلال هذه التدوينة إني أسوي شيء يخلينا نرتقي للأحسن ! أنا مو من الملائكة والله إنسانة زي زيكم بس والله العظيم ماتوصل فيني لدرجة تخليني أقول لزوجة أخوي مثلاً أنا لي عليك أوامر وزوجك هو أخوي وبلا بلا بلا بلا كلام خربوطي ! *ماعندي أخوان* معليش بنات اللي تسوي كذا إيش دخلك بالله إيش دخلك هاه عيب والله عيب حبيبتي ، بنت الناس هذه ، وهذا أخوك تحبينه ؟! أكيد تحبينه احترمي خصوصيته مع زوجته ، احترمي زوجته ، إنتي بيوم من الأيام بتصيرين زيها في بيت ناس وتبغينهم يحترمونك ويقدرونك ويحطونك ع راسهم صح ! ليش ماتفكرين كذا ! إنتي ايش دخلك بين كابل إيش يعني كابل يعني ثنائي عصفورين بعش بس اثنين وإذا بيصيرون ثلاثة بيكون منهم الإثنين ، ليش يالنسره تجين تتلقفين بينهم ، طلقها طلقها طلقها !ماتحسين نفسك داخله غلط! من جدك إنتي إيش دخلك ؟! عيب حبيبتي ، يالله والله ماصدق اللي أسمعه زي هذا الكلام ! صغر عقل ! ولا تجي تقول أغار على أخوي ! يابنت عيب استحي تغارين من زوجته حلاله ! يالله والله أحس لو وحده قالت كذا قدامي يعني أمبيه كيف تغارين من زوجة أخوك !؟ يع أتقرف أتخيل شيء مو كويس ! هذا اللي تكون بالواقع ، وإذا جينا للي تتكلم بكل مشاعر سوداوية بصفحات الإنترنت ، وي يع شكلك معفن ، وجهك غبي ، صوتك وحش ، خشمك كبير ، لونك أسود ، لبسك معفن ، ذوقك خاااايس ! يختي إنتي ماعندك إحساس مثلاً ماتتخيلين أحد يقولك هذا الكلام ! ماراح تنجرحين ؟ لو تجين تسألين وحدة أحد قالها كذا بتقولك طيب إيش ذنبي الله خلقني كذا ما أقدر أغير من شكلي ! وإلا مثلاً تبغين تاخذين ذنب وحدة تموت بسببك إيوا بسببك تقولين لي كيف أقولك لما شفت وحدة من أخوات صديقاتي مراهقة تدعي على نفسها يجيها برص ومستعدة تشرب كولوريكس ع بالها بتصير بيضاء بسبب مين بسبب الناس اللي ينادونها بالسوداء !! تس ياعالم ؟ من جدكم بالذات لو كانت مراهقة ولا طفلة يجي واحد شايب ولا أخوها في البيت ولا أختها ولا خالها أقرب الناس لها يهزون ثقتها بنفسها ! ولا وحدة بالانستقرام تدخل بروفايل شخصية عربية مشهورة وتسب فيها لين مسكينة هذيك تبلدت مشاعرها ! أختي حبيبتي عيب والله عيب ، أدخل ع بروفايل وحدة وأسبها وأسب شكلها وعرقها ومين هي ودينها ؟! ليه كذا حبيبتي حتى لو ماهي مسلمة ترا عندها مشاعر والله ؟! احنا المسلمين أولى من كللللل العالم يكون عندنا إنسانية داخلنا قبل كل شيء ، الشخص اللي قدامي بغض النظر عن دينة أفكر في إنسانيتي ، يختي الإسلام رحم الحيوانات اللي مابتخش لا جنة ولا نار لا نعذبهم لا بفعل ولا بقول، إنتي مابترحمين البشر اللي عندهم مشاعر ويحسون وممكن يوم من الأيام بسبب تعاملك يدخلون بالإسلام !! وإنتي يختي جالسة تثرثرين عليهم بكلامك ! 

لأني مسلمة واجب علي أحترم الإنسانية بالعالم ليش ! لأن الإسلام يحترم الإنسانية قبل كل شيء ، في آداب الحروب والقتال مع الأعداء ، مع مين ؟ مع الأعداء مو مع زوجة أخوي أو صديقتي أو شخصية مشهورة إيش هي الآداب تكون حتى لو كانوا كفار وحطوا بينها مية خط ، كفار يعني مو مسلمين مايؤمنون بالله هي (لا تقتلوا صبياً ولا امرأة ولا شيخاً كبيرًا ولا مريضًا ولا راهبًا ولا تقطعوا مثمرًا ولا تخربوا عامرًا ولا تذبحوا بعيرًا ولا بقرة إلا لمأكل ولا تغرقوا نحلاً ولا تحرقوه ) شايفة الإنسانية في الإسلام ! إنتي مسلمة يعني لازم تكون عندك إنسانية للمسلم والغير مسلم ! يعني بالحروب والقتال هذول ماحد يقربهم حتى لو مو مسلمين باسم الإنسانية ، يعني احترم أرواحهم بالفعل ، أحترمه فعل يعني لازم نحترم الإنسانية حتى بالقول !!  وإنتي تجين تكتبين ببروفايل وحدة مو مسلمة ، يا..... يادبه ياسوداء ياشغالة ! إنتي مسلمة حبيبتي متأكدة راجعي نفسك بس !

إذا بتتصرفين أي تصرف ، قولي لو كنت بدالها ! لو كنت في مكانها ! بترضينها ع نفسك ؟ لا ! خلاص أسكتي ، حتى لو ترضينها وتشوفينها عادي  أسكتي يمكن هي تزعل ولا تتحسس من هذا الشيء وعندها مشكلة تجاهه ، حبيباتي خلي مشاعرك وأحاسيسك وإحترامك للغير بارز فيك أكثر من الغيرة والحسد والمشاعر السوداوية اللي بقلبك ! خلاص قاعده ثابتة إنو لو تكلمتي بشكل سلبي مكتوب ع جبهتك غيرانة قلبك معفن ! لاتحسبين الناس بتقول ياااه والله انك صادقة يافلانه ! وإن قيل فالطيور ع أشكالها تقع !

عادي يختي إش فيها لو قابلتي زوجة أخوك ورحبتي فيها ومدحتيها قدام أخوك ، عادي ترا ! إش فيها لو قلتي لزوجك ترا أمك مرة عسل ! وأخواتك ياناسو عليهم ؟! وي صار فيك شيء بسم الله عليك بس ! طيب اش فيها لو شفتي وحدة عرضت ملابسها لنفترض بالانستقرام جيتي قلتي لها ياناسو كيوت تتهني فيها ! بيصير فيك شيء ؟! حتى لو معفن وبالحضيض يختي هي مبسوطة فيها وفرحانه ليش تجين تكسرينها ؟! ليش يابنات فهموني والله لما أشوف زي كذا ودي أجمعهم كل اللي يكتبون وأصفق بروسهم في بعض زي الأجانب لما يسوون بالكاسات *نخبك* بالضبط نفسي كذا أسوي ! وبقوة بعد ! ومرتين كمان ! ولا باليوتيوب أشوف بنات كثير ماشاء الله بدأو يفتحوا قنوات ع اليوتيوب يازينهم كلهم جميلات وكيوتات ، ويكونوا مبتدئات ويعني لسه حبه حبه بهذا المجال ، تجي وحده تنزل سم عقرب وثعبان منها وتكتب تكتب سب تشميت ليش حبيبتي ؟ حرام عليك البنت حابة تعرض أشيائها وتساعدكم وتتونس باللي تسويه ، إدعميها قولي لها كلام حلو حتى لو ماعجبك ولا راح يعجب أحد ، ماتقدرين تقولين كلام حلو ، خلاص أسكتي! أيضاً لا تستخدمين أسلوب جميل بس حلو بس روعه بس ماأحب كلمة بس أكرهها عادي يابنتي لاتطلعين عيب عادي يختي شوفيه كذا جميل واو روعه فنانة مابينقص منك شيء ولاتحاولين ترضين ضميرك اللي يبغى يخليك *أوه أنا طلعت فيها عيب يعني الحمدلله هي مو كويسة وكاملة ياس ياس الحمدلله !!* ، خلاص كذا جميلة والله روعة *هابي فيس* وياناسو ويارب يبارك لك فيه وانتهينا يختي !

عودي نفسك دايماً بإنك تشوفي وتسوي وتقولي كل شيء بشكل حلو حالي يقطر عسل وسكر ♥ يعني دايماً أتذكر بأن حسن الخلق يارنا أكثر ما يُدخِل الجنة ! ، ياربي أنا في صراع مع حسن الخلق والرسول صلى الله عليه وسلم قال ( أكثر ما يدخل الناس الجنة، تقوى اللّه وحسن الخلق) فيارب أكتبها لنا ، والله يابنات يعني لما تجي بنت تعلق علي وتسب وتسخط وتحولني من مسلمة إلى كافرة ؟! تعرفون كيف أتماسك عشان ماأنزل نفسي لمستواها ولا أرد عليها وأصير زيها ؟! أيوا هذا يصير من حسن الخلق والصبر على الأذى ؟ هذا ليش قفلت التعليقات وماخليتها زي أول مفتوحة 24 ساعة ! كذا ودي أروح عندها أترجاها بليز بليز وخري عني خليني كذا مؤدبه وعاقلة وبنت حلال *فيس يغمض عيونه*

أفتكر بباندوق ( اندونيسيا ) رحنا مكان شلالات وأنا كذا تنحت بالجمال الطبيعي ، وجلست جنبي وحدة ، وبدأت تكلمني وكذا وأنا أكلمها وأقولها ياجمال المنظر ماشاء الله قالت لو سمحتي كل ماقلتي شيء قلتي ماشاء الله ايش يعني ؟ وجلست أشرح لها إيش يعني (ماشاء الله) ! قالت واه زينا الكاثوليكين نؤمن بالعين والشيطان ، وأنا مبتسمة كذا وأنكت معاها وتسألني كيف المسلمين والعرب وكيف أسئلة كثيرة بالنهاية قالت أعطيني حسابك بالفيس بوك أبغى أعرف عن الإسلام أكثر ! أعطيتها حسابي وللأسف اكتشفت إني أعطيتها حسابي الشخصي غلط آع قهر ، بس الخلاصة من الحديث حسن الخلق يابنات ماهمني دينها جلست أسولف معاها وأنكت وجبت لها عصير وجبت لي وجالسين مرووووقين قدام الشلال ، ونوت تعرف عن الإسلام أكثر يعني الله أعلم إيش كانت نيتها تعرف كذا بس ولا تبغى تسلم ! فتخيلي إنتي تاخذي أجر شخص يسلم بسببك ، أوكي ماكلمتيه ماساعدتيه بس أقل شيء أقللل شيء أعطيتي صورة كويسة وجميلة عن الإسلام ! تخيلي يعني إنتي تعطي وتجي وحده وتعطي كذا بتنتشر الصورة وأي أحد بيقول عنا كلمة سيئة مقابلها بيكون مستحيل المسلمين ناس طيبين ومحترمين !

يعني صرت أشوف مشاعر سلبية ومافي أي احترام بكثرة ، بكثرة أكثر من اللزوم ! بكثرة بكثرة ! بالذات بصفحات التواصل الإجتماعي ، آع سلبية تقرف وتفجع ، تحسس العالم ، إن إحنا ناس بدائية منغلقة سلبية ! ومستمرين ع إثبات شهادة عننا بأننا ناس متخلفة وغير متحضرة ومسلمة بس مسلمة بالإسم فقط !

أيضاً من المواقف بإندونيسيا ، بفندق بونشاك كان فوق الجبل عبارة عن مجمع فلل وماكان فيه أحد إلا إحنا يعني كل هذيك الفلل مافيها إلا فيلتنا مولعين لمباتنا ، المهم مستأجرين فيها 6 أيام فكل يوم نروح للوبي عشان الانترنت ، وكان الساعة 8 خلاص كل شيء يقفل ويصير دوام ليل الكل نايم يعني يعتبر زي عندنا 12 الليل ، فاحنا نجلس لين هذا الوقت والعاملين اللي يشتغلون زي حقت الريسيبشن والمساعدة حقتها كل يوم نشوفهم هناك ، فدخلت عندهم وطلبت منهم أحد يفتح لي المطعم عشان ودي بعصير ، وأمشي معاهم للمطبخ وأسولف وكذا عادي مرة ويوم ورا يوم لين صرنا نجتمع كل يوم باللوبي ونسولف وننبسط ، فجلسوا يحكونا (طبعاً بالانجليزي) تقولي ليش الخليجين لما يجون يعاملونا بدنائة ، وحدة منهم مسلمة والثانية مسيحية ، تعرفون قمة الإحراج اللي أنا فيه ؟ مدري إيش أرد ! تقول أنتم العائلة الوحيده اللي جتنا كذا ! كل الخليجين اللي يجون واحد يصرخ علي والثانية تقول يقولي قومي جيبي لي موية والثالث يقول تعالي نظفي واللي يتحرش فيها واللي واللي ..الخ ، تقول حتى الفلوس لما يجي يسلمها لي يرميها فوق الطاولة بدون احترام  ، بعدين جلست توريني حركة بيدها مرة ضحكتني مسكينة ماتدري كيف نسويها بكثرة هنا ! ورتني كيف أشرح لكم كذا تقول يكون جالس مثلاً وهي جالسة بغرفة الريسيبشن ويرفع بيده ويطرقع بإصبعه فهمتوا الحركة اش هي ! ويقول هيه هيه يو يو كم كم قيف مي واتر ! قلت بقلبي ماعليك هم يستحقرونكم وإذا راحوا أوروبا يُستحقرون ! كذا الدنيا ! 

الكلام مايخلص عن هذا الموضوع ، بس آخر نصيحة مني هي ، لو حسيتي نفسك من الأنواع اللي تكلمت عنها فوق ، حاولي تسوي كنترول ع نفسك ، تحكمي بنفسك ، لاتخلين نفسك تغلبك ، تدربي دايماً تنطقين حلو ، أول ماتصحين من النوم إلبسي نظارة الجمال اللي تخليك تشوفين كل شيء جميل ، ودايماً خلي لسانك ماينطق إلا العسل والحلو لأنك حلوة والحلو ماينطق إلا حلو ، سوي لنفسك تدريب كل يوم أدخلي انستقرام شوفي صورة عربية قولي جميل حلو واو فنانة حتى لو ماعجبك تدربي تقولين كلام حلو ، لو صفحة انجليزية تعرفي انجليزي اكتبي انجليزي لو عجبك قولي أي كلمة حلوة ماتعرفين أكتفي بالنظر ، تعودي تقولي للناس اللي حولك ، كلام حلو إدعميهم فرحيهم ولو بكلمة ، هذا حلو ، لبسك اليوم جميل ، شكلك اليوم روعة ، أخوي محظوظ فيك ، أنا محظوظة بأهلك ، لاتكسرين قلب أحد لاتجرحين مشاعر أحد حتى لو تكرهيه ، حتى لو كان عدو لك ، احترمي الناس عشان تحترمك ، والله يسخر لك على قد نيتك كل شيء حلو .

هل في كلام ماقلته أو ماذكرته وحابين تعبرون وتقولون عنه أكثر ؟

هل حابين تذكرون طرق مجربة تساعد البنات بأنهم يتخلصوا من السلبية ؟

♥