عرض : فرشاة الوجه من ريل تكنيك ❤

Real Techniques Expert Face Brush

فرشاة الوجه من ريل تكنيك 

باتكلم لكم اليوم عن تجربتي مع فرشاة الوجه من ريل تكنيك ❤

أخذتها من آمازون قبل تقريباً أربعة شهور تلاقونها - هنا - 

بسعر : $8.98 يعني تقريباً 35 ريال

  قررت أجرب فرشاة وحده منهم عشان أشوف لو عجبتني راح أشتري منهم أكثر ولو ماعجبتني يكون الحمدلله ماخسرت فلوسي ، فجلست أبحث عنهم كثير لين قررت وبكل تركيز أجرب هذه الفرشاة بالذات عشان شكلها المميز أولاً وثانياً ماعندي نفس شكل أو قصة شعيراتها ، وبأول سطرين أقولكم ليتني اشتريت البقية :( ، * تي جااااااااااااااااااااانين * من جد تجنن ، مره حبيتها وصرت أستخدمها لخطوات كثيرة ، هي تستخدم للوجه بشكل عام أغلب الناس يستخدموها لمد كريم الأساس ، وأنا منهم ! ، بس بعدين صرت أشوفها بيرفكت ومثالية جداً جداً للكونتور ، أنا عندي فرشاة اشتريتها من سيجما مخصوصاً خصيصاً للكونتور بس لها تكنيك معين ودمج ومش عارفه إيش ، هذه حسيتها لما أستخدمها للكونتور يعني تِكنتر وتدمج بنفس الوقت يعني ماتسوي أول شيء خط بعدين تضطرين تسوين بعدها دمج للخط اللي سويته عشان مايبين شيء قاسي هارش كذا ، عشان وجهي صغير ومافي مساحة مره كبيرة بخدي فمعضم الأحيان يطلع كونتور مره كبير علي وكأني سويت فيها كل خدي بس بعض الأحيان استخدمها كذا بخفة من الجنب ويصير بيرفكت ، بس لما أسويها على أمي يطلع الكونتور يجنن ويجنن خطوتين صارت بخطوة بسبب هذه الفرشاة !!

حجمها صغيرعشان كذا قلت لكم للكونتور تنفع وعشان رسمة وقصة الفرش اللي مره ناعمة وحلوة كمان تساعد في الكونتور أو تحديد الوجه لو بغيتوها عربي ، قاعدتها حلوة يمديك توقفينها ع تسريحتك بدون ماتطيح ، وعادي مدخلتها بالكاسة اللي فيها فرشي وماسبب لي أي ازعاج ، يمكن لو أخذت كل المجموعة تصير قاعداتها تسوي زحمة مع فرشي الباقية ، استخدامي لها مع كريم الأساس ممتاز ويدمج لك إياه بشكل مره ناعم وبيرفكت نفس تأثير فرشاة سيجما F80 ، نفس الشيء مايختلفون كثير !

باختصار وما أطول البوست وأقرقر كثير ، حبيتها وأنصحكم فيها وأحسها ماست هاف لكل بنت ! ، والنصيحة الأهم لا تشترونها غير من أمازون أو من نفس الموقع أو من موقع درق ستور ، لأن يبيعونها بسعر مخفض وبسعرها الأصلي أو قريب منها ، أما تروحون تشترونها بمية ريال وعليها ، زي قبل فترة طلعت أو تواجدات بوحدة من الصيدليات قرابة الميتين ريال إوعكم حرام !!! خذوا بسعرها هذه مجموعة فرش من سيجما ولا فرشتين من ماك !!

إن شاء الله تكون التدوينة خفيفة ولزيزة وكيوطه عليكم ❤

قولوا لي أحسن فرشاة جربتوها من ريل تكنيك ؟

ومن فين اشتريتها ؟

❤